તાપી જિલ્લાનું ગૌરવ: ઉચ્છલ તાલુકાના તાલુકા શાળાનાં મુખ્યશિક્ષકશ્રી અરવિંદભાઈ ગામીત શ્રી અરવિંદભાઈ ગામીતને શ્રેષ્ઠ કામગીરી કરવા બદલ 26મી જાન્યુઆરી પ્રજાસત્તાક દિને ગુજરાતના માનનીય મુખ્યમંત્રીશ્રી અને રાજ્યપાલશ્રીના હસ્તે સન્માનિત કરવામાં આવ્યા. તાપી જિલ્લાનું શૈક્ષણિક ક્ષેત્ર હંમેશાં પ્રગતિશીલ રહ્યું છે અને તેમાં મહાન ભૂમિકા નિભાવનાર એક પ્રભાવશાળી શૈક્ષણિક યોદ્ધા છે—શ્રી અરવિંદભાઈ ગામીત. વ્યારા તાલુકાના ઝાંખરી ગામના વતની અરવિંદભાઈએ શિક્ષણ ક્ષેત્રે અવિરત પરિશ્રમ અને સમર્પણથી અનેક વિદ્યાર્થીઓના ભવિષ્યનું ઘડતર કર્યું છે. શૈક્ષણિક સફરનો પ્રારંભ શ્રી અરવિંદભાઈ ગામીતની પ્રથમ નિમણૂક 1993માં તાપી જિલ્લાના નિઝર (હાલ કુકરમુંડા) તાલુકાની પિશાવર પ્રાથમિક શાળામાં થઈ હતી. તે સમયે શાળામાં માત્ર ધોરણ 1 થી 4 ની વર્ગશાળા હતી અને તેઓ એકમાત્ર શિક્ષક તરીકે ફરજ બજાવતા હતા. ઘણી પડકારજનક પરિસ્થિતિઓ વચ્ચે પણ તેમણે શૈક્ષણિક ગુણવત્તા સુધારવા માટે સતત પ્રયત્નો કર્યા. શૈક્ષણિક વિકાસ અને ભૂમિકા 1998માં તેઓ ઉચ્છલ તાલુકામાં બદલી પામ્યા, જ્યાં તેમણે શિક્ષણક્ષેત્રે વધુ સુધારા અને નવાચર લાવ્યા. તેમના શૈક્ષણિક પ્રભાવને ઓળ...
Kachchh| bhuj: ભુજ હાટ ખાતે રાખી મેળા મહોત્સવનો પ્રારંભ કરાવતા ઈન્ચાર્જ જિલ્લા વિકાસ અધિકારીશ્રી નિકુંજ પરીખ
Kachchh| bhuj: ભુજ હાટ ખાતે રાખી મેળા મહોત્સવનો પ્રારંભ કરાવતા ઈન્ચાર્જ જિલ્લા વિકાસ અધિકારીશ્રી નિકુંજ પરીખ
ભુજ હાટ ખાતે ૭ ઓગસ્ટ સુધી આયોજિત રાખી મેળા મહોત્સવમાં રાખડી સહિત હસ્તકળાની વસ્તુઓની ખરીદી કરવા જાહેરજનતાને અનુરોધ
૧૯થી વધારે સ્ટોલમાં કચ્છી ભરતકામ, અજરખ બ્લોક પ્રિન્ટીંગ, કચ્છી પેચ વર્ક સહિતની વસ્તુઓ ખરીદી માટે ઉપલબ્ધ
ભુજ, આજરોજ ભુજ હાટ ખાતે ઈન્ચાર્જ જિલ્લા વિકાસ અધિકારી અને જિલ્લા ગ્રામ વિકાસ એજન્સીના નિયામકશ્રી નિકુંજ પરીખે રિબિન કાપીને રાખી મેળા મહોત્સવનો પ્રારંભ કરાવ્યો હતો. ગુજરાત મહિલા આર્થિક વિકાસ નિગમ લિમિટેડ તેમજ મહિલા અને બાળ વિકાસ વિભાગ, ગુજરાત રાજ્યના સંયુક્ત ઉપક્રમે ભુજ શહેરમાં ભુજ હાટ ખાતે ૧થી ૭ ઓગસ્ટ સુધી રાખી મેળા મહોત્સવનું આયોજન કરવામાં આવ્યું છે. જિલ્લા મહિલા અને બાળ અધિકારીશ્રી અવનીબેન દવેએ શ્રી પરીખને આવકારીને તમામ સ્ટોલની વિઝિટ કરાવીને વિસ્તૃત જાણકારી આપી હતી. ભુજ હાટ ખાતે ૭ ઓગસ્ટ સુધી ચાલનારા રાખી મેળા મહોત્સવમાં કચ્છની જાહેરજનતા બપોરના ૧૨ કલાકથી રાત્રિના ૧૦ કલાક સુધી રાખડી સહિત અવનવી હસ્તકળાની ચીજ વસ્તુઓની ખરીદી કરી શકશે.
રાખી મેળા મહોત્સવમાં હાથ બનાવટની રાખડી સહિત ભાતીગળ હાથશાળ હસ્તકલાનું પ્રદર્શન સહ વેચાણનું આયોજન કરવામાં આવ્યું છે. ખાસ કરીને મહિલાઓને રોજગારી મળે અને તેઓ પોતાની વસ્તુઓનું વેચાણ કરીને આવક રળી શકે તે માટે આ મેળાનું આયોજન ગુજરાત સરકારશ્રી દ્વારા કરવામાં આવ્યું છે. રાખી મેળા મહોત્સવમાં ભુજ હાટ ખાતે હાથશાળ, હસ્તકલા, માટીકામ, ચર્મકામ, વાંસકામ, પટોળા, બાંધણી, કચ્છી ભરતકામ, અજરખ બ્લોક પ્રિન્ટીંગ, કચ્છી પેચ વર્ક, ટાંગલીયા, મશરૂ, કલમકારી, કાષ્ટકલા અને ટેરાકોટા સહિતની વસ્તુઓ જાહેરજનતાને ઉપલબ્ધ થાય તે માટેના ૧૯થી વધારે સ્ટોલ ઊભા કરવામાં આવ્યા છે.
ઈન્ચાર્જ જિલ્લા વિકાસ અધિકારીશ્રી અને જિલ્લા ગ્રામ વિકાસ એજન્સીના નિયામકશ્રી નિકુંજ પરીખે વિવિધ સ્ટોલની મુલાકાત લઈને મહિલાઓને પ્રોત્સાહન પુરું પાડ્યું હતું. શ્રી પરીખે સ્ટોલધારક મહિલાઓને ઓફલાઈન તેમજ ઓનલાઈન વેચાણ કરવા માર્ગદર્શન આપીને સરકારશ્રી દ્વારા તમામ સહયોગ આપવામાં આવશે તેમ ખાતરી આપી હતી. ઈન્ચાર્જ જિલ્લા વિકાસ અધિકારીશ્રી નિકુંજ પરીખ અને જિલ્લા મહિલા બાળ અધિકારીશ્રી અવનીબેન દવેએ કચ્છની જાહેરજનતાને રાખડી સહિત હસ્તકલાની વિવિધ વસ્તુઓ માટે ભુજ હાટની મુલાકાત લઈને ખરીદી કરવા માટે અનુરોધ કર્યો હતો.
Comments
Post a Comment